14:35 19 Бештин айы 2018
Түз эфир
  • USD69.8317
  • EUR79.3952
  • RUB1.0462
Коммерциялык банктардын биринде карталарды тейлөө жана банктык кызматтар бөлүмүнүн адиси Рыскелди Сабыров
© Sputnik / Досхан Нусупбеков

Сабыров: кайсы төлөм картасы ыңгайлуу экенин көп сурашат

Радио
Кыскача шилтеме алуу
171 0 0

Коммерциялык банктардын биринде карталарды тейлөө жана банктык кызматтар бөлүмүнүн адиси Рыскелди Сабыров өлкө аймагындагы карта колдонуучулары Элкарт же Viza тейлөө системасынын кайсынысын тандоо керектигин көп сурашарын билдирди.

Кардарлардын басымдуу бөлүгү карталык төлөмгө өтөөрдө кайсы система ыңгайлуу экенине кызыгат. Алар көбүнчө ЭлКарт же Viza системасынын бирин тандай албай кыйналат. Бул тууралуу Рыскелди Сабыров Sputnik Кыргызстан радиосунун эфиринде маек куруп жатып маалымдады.

Анын айтымында, Viza дүйнөнүн 200дөн ашуун өлкөсүнө жайылган болсо, Элкарт улуттук банктык карталык тейлөө системасы.

"Кардарлардын көбү кайсы карталык системада тейленүү ыңгайлуу экенин сурашат. Алар Элкарт менен Viza карталык төлөм системасынын бирин тандай албай убара тартышат. Элкарт — учурда өлкөнүн бардык аймагында өз ишмердүүлүгүн жүргүзүп жаткан улуттук карталык төлөө системасы. Ал эми Viza 200дөн ашуун мамлекеттерди камтып, түрдүү валюта менен иш алып барат. Бул эл аралык системанын карталары артыкчылыктарына карай: классик, gold, платинум жана инфинити деп белгиленет. Карталар дебиттик жана насыялык болуп экиге бөлүнөт. Дебиттик карта сиздин жеке эсебиңизде турган акчаларды пайдалануу үчүн ачылса, насыялык карта менен сиз белгиленген чекке чейин банктан карыз алып, колдоно аласыз. Банктан карыз алууда сиздин буга чейинки насыя таржымалыңыз жана төлөө мүмкүнчүлүгүңүз каралат. Төлөм картасын тандоодо анын тарифтерине көңүл буруу маанилүү, кандай кызматтар кошулганын билип алганды да эстен чыгарбаңыз. Мисалы, интернет банкинг кабарлоо кызматын коштурсаңыз, арзандатуулар жана бонустардан дайыма кабардар болуп турасыз", — деди Сабыров.

Ал картанын артыкчылыктары канчалык жогору болсо, мүмкүнчүлүктөрү да ошончолук көп болорун жана тейлөө наркы да кымбаттарын кошумчалады.

Тема боюнча

Чолоева: банктык карта аркылуу төлөм жүргүзүүдөн коркпош керек
Белгилер:
тандоо, банк, карта
Колдонуу эрежелериПикирлер

ЭҢ МААНИЛҮҮ