01:33 21 Аяк оона 2019
Түз эфир
  • USD69.8317
  • EUR77.1501
  • RUB1.0937
Соода-өнөр жай палатасынын өкүлү Болот Купешов
© Sputnik / Асель Акматалиева

Купешов: ишкерлер жарнаманын аркасы менен өнөктөш таба алат

Радио
Кыскача шилтеме алуу
97 0 0

Соода-өнөр жай палатасынын өкүлү Болот Купешов Кыргызстандан чыккан товарларды экспорттоого ыңгайлуу шарттар түзүлүшү керектигин айтты.

"Бишкек — 2018" аталышындагы жарманке 1-5-ноябрь күндөрү Каба уулу Кожомкул атындагы спорт ордосунда өтөт. Анда ондогон ата мекендик ишкана продукциясын көргөзмөкчү. Бул тууралуу Болот Купешов Sputnik Кыргызстан радиосунун таңкы эфиринде маек куруп жатып билдирди.

Анын айтымында, иш-чаранын максаты — Кыргызстандан чыккан товарларды экспорттоого жол ачуу.

"Бир компания продукциясын дүкөндүн ичине коюп, элге маалымат бербестен сата алам десе жаңылышат. Товар боюнча коомчулукту кабардар кылып, аны жарнамалаш керек. Бул себептен жарманке уюштуруп жатабыз. Ишкерлер жарнаманын аркасы менен өнөктөш таба алат. Бир эле казанда кайнай бербей, өнөктөштөрдүн жардамы менен чет мамлекеттен филиал ачып, же бириккен ишкана ачса болот", — деди Купешов.

Ал жергиликтүү продукцияларды өнүктүрүп, тышкы рынокто өз ордун табышы керектигин кошумчалады.

Тема боюнча

Бишкекте бир нече күн бою универсалдуу жарманке уюштурулат
Белгилер:
жарманке, өнөр жай, ишкер

ЭҢ МААНИЛҮҮ