17:00 21 Жетинин айы 2019
Түз эфир
  • USD69.8500
  • EUR77.4357
  • RUB1.0941
Республикалык кан борборунун башкы директору Бакыт Карабаев
© Sputnik / Асель Акматалиева

Карабаев: биз кан сатпайбыз, донордук кан бекер

Радио
Кыскача шилтеме алуу
110 0 0

Республикалык кан борборунун башкы директору Бакыт Карабаев Кыргызстанда донорлордун саны нормадан 10 пайызга аз экенин айтты.

Биз кан сатпайбыз, донордук кан бекер. Болгону ошол бир доза кан жасоого кеткен чыгымдар гана төлөнөт. Бул тууралуу Бакыт Карабаев Sputnik Кыргызстан радиосунун эфиринде маек куруп жатып билдирди.

Анын айтымында, эл кан сатылат деп туура эмес түшүнүшөт.

"Башка мамлекеттерде кандын бир жолку дозасы 500 доллардан жогору турат. Ошондой эле кандан плазма, тромбоцит сыяктуу башка дагы компоненттер жасалат. Аларга өзүнчө баа коюлган. Мисалы плазма 1000 доллардан жогору. Бизде болсо кан (250 сом) менен компоненттерге (тромбоцит 1000 сом) символикалык гана баа коюлган. Бул канды сактоого жана компоненттерди жасоого кеткен чыгымдардын гана акчасы. Аны дагы Саламаттык сактоо министрлиги менен Монополияга каршы агенттиги коет", — деди Карабаев.

Ал донордук канга болгон нарк кошуна мамлекеттерде да жогору экенин кошумчалады.

Тема боюнча

Карабаев: ардактуу донорлор акысыз медициналык көзөмөлдөн өтөт
Белгилер:
ден соолук, донор, кан, Бакыт Карабаев

ЭҢ МААНИЛҮҮ