Радиостудия Sputnik Кыргызстан в Бишкеке - Sputnik Кыргызстан
Радио

Руслан кызы: кыргыз санжырасын жаштар эле эмес карылар да билбейт

© Sputnik / Табылды КадырбековКыргыз таануучу Диана Руслан кызы
Кыргыз таануучу Диана Руслан кызы - Sputnik Кыргызстан
Жазылуу
Кыргыз таануучу Диана Руслан кызы элге ата-тегин заманбап жол менен жеткирүүгө аракет жасап жатканын айтты.
Руслан кызы: кыргыз санжырасын жаштар эле эмес карылар да билбейт

Азыркы заманда кыргыз санжырасын бир гана жаштар эмес, жада калса улуу муундун өкүлдөрү да билбейт. Бул тууралуу Диана Руслан кызы Sputnik Кыргызстан радиосунун "Ачык кеп" программасында маек куруп жатып билдирди.

Анын айтымында, санжыра тууралуу коомдо терс пикирлер да айтылып келет.

"Бүгүнкү күндө айрымдар санжыра элди бөлүп-жарат деген пикирде. Бирок, тескерисинче, санжыра элди ынтымакка, биримдикке чакырат. Азыркы заманда жаштардын бул нерсеге маани бербей жатканы бир өкүнүч, ал эми улгайган адамдар да санжыранын маанисин түшүнбөй жатканы андан да чоң көйгөй болуп жатат. Мен кыйынмын деген өлкөлөрдө да өз ата-тегин билүүгө өзгөчө көңүл бурулуп келет. Бизде айрымдар маймылдан жаралганбыз деп ойлойт. Ошондуктан ата-бабаларыбыз маймыл болгон деп кийинки урпактар айтпашы үчүн бул маселеге көңүл буралы дедик", — деди Диана Руслан кызы.

Ал адамдар өз ата-тегин, ким экенин билбесе келечекке кадам таштоо оор болорун кошумчалады.

Жаңылыктар түрмөгү
0