20:52 17 Тогуздун айы 2017
Түз эфир
Ош ОИИБдин Кайгуул милиция бөлүмүнүн маалымат катчысы Айбек Бечелов
© Фото / Зульфия Тургунова

Бечелов: Ошто жыл башынан бери мас болуп унаа айдагандардын үчөө каза болгон

Радио
Кыскача шилтеме алуу
Кыргызстанда 2017-жылдын башынан берки жол кырсыктары (388)
13521

Ош облусунда жыл башынан бери мас абалында унаа айдагандар өткөн жылдын ушул маалына салыштырмалуу 25 пайызга азайып, жалпы жонунан 133 жол кырсыгы катталган.

Ош ОИИБдин Кайгуул милиция бөлүмүнүн маалымат катчысы Айбек Бечеловдун айтымында, жол кырсыгынан жаракат алгандардын саны 242ни түзгөн. Ал эми жашы жете электердин катышуусунда 32 жол кырсыгы катталып, 37 бала ар кандай жаракат алган.

"Ош облусу боюнча Кайгуул милиция бѳлүмүнүн кызматкерлери тарабынан 14 129 административдик протокол түзүлгөн. Анын ичинен спирт ичимдигин ичип унаа башкаргандардын саны 267ге жеткен. Белгилей кетсек, спирт ичимдигин ичип жол кырсыгына кабылган беш учур катталып, үч киши каза болгон. 16 киши түрдүү жаракаттарды алган", — деди Бечелов.

Ош облусу боюнча Кайгуул милиция бөлүмү жол кырсыктарынын алдын алып, алардын санын азайтуу үчүн түшүндүрүү иштерин жүргүзүп келет.

Тема:
Кыргызстанда 2017-жылдын башынан берки жол кырсыктары (388)

Тема боюнча

Ош облусунда мас абалында унаа айдагандардын саны азайды
Белгилер:
мас, жол кырсыгы, Ош

ЭҢ МААНИЛҮҮ