14:32 07 Бештин айы 2021
Түз эфир
  • USD84.7942
  • EUR95.7496
  • RUB1.1510

Палеонтолог Бакиров: мамонттун сөөгүн изилдөө үчүн каражат издеп жатабыз

Радио
Кыскача шилтеме алуу
Көлдө мамонтко окшош жандыктын баш сөөгү табылды (21)
4712

Жыргалаң өрөөнүнөн дагы башка сөөктөр табылганы белгилүү болду.

Палеонтолог Бакиров: мамонттун сөөгүн изилдөө үчүн каражат издеп жатабыз

Палеонтолог Айзек Бакиров былтыр Көл жергесинен табылган мамонттун баш сөөгү гипстелген боюнча эле Улуттук илимдер академиясынын Экология институтунда сакталып турганын билдирди.

"Каражаттын тартыштыгынан улам мамонттун баш сөөгүн изилдөө токтоп турат. Мындан сырткары, аны изилдөө үчүн кошумча шаймандарды жана каражаттарды алыш керек. Тилекке каршы, алар бизде чыкпайт. Андыктан аларды чет мамлекеттен алыш керек. Ошентсе да акча жок деп эле кол куушуруп отурган жокпуз. Түрдүү долбоорлорду жазып акча издештирип жатабыз", — деди ал.

Бакиров ошондой эле былтыр күзүндө Жыргалаң өрөөнү окумуштуулар тарабынан иликтенип, дагы майда-чүйдө сөөктөр табылганын белгиледи. Бирок каражаттын тартыштыгынан кеңири изилдөөлөр жүргөн эмес.

Палеонтолог гипстелген сөөк абдан морт болгондуктан аны чет мамлекетке алып чыгып текшерүүгө да мүмкүн эместигин белгиледи. Анткени аны жеткирүү учурунда упураланып жок болушу толук мүмкүн.

Тема:
Көлдө мамонтко окшош жандыктын баш сөөгү табылды (21)

Тема боюнча

Палеонтолог: Көлдө табылган мамонттун сөөгү акчанын жоктугунан изилденбей турат
Белгилер:
Айзек Бакиров, илим, изилдөөчү, мамонт

ЭҢ МААНИЛҮҮ