БИШКЕК, 17-июн. — Sputnik. Президент Сооронбай Жээнбеков Кубатбек Бороновду премьер-министр кызматына дайындады. Бул тууралуу өлкө башчынын маалымат кызматы билдирди.
"Президент Сооронбай Жээнбеков КР Конституциясынын 84-беренесинин 5-бөлүгүнө ылайык, Боронов Кубатбек Айылчиевичти мурда жүктөлгөн милдеттерин аткаруудан бошотуп, премьер-министр кызматына дайындоо тууралуу Жарлыкка кол койду", — деп айтылат маалыматта.
Кечээ, 16-июнда, парламенттеги көпчүлүк коалиция Бороновдун талапкерлигин өкмөт башчылыгына карап, колдогон. Ал эми бүгүн Жогорку Кеңештин депутаттары Кубатбек Боронов башында турган өкмөттүн жаңы курамын жактырды.
