БИШКЕК, 2-фев. — Sputnik. Дүйшөмбү күнү, 3-февралда, күндүз Чүй, Ош, Жалал-Абад, Баткен облустарынын тоо этектеринде жана тоолуу райондорунда кар жаашы мүмкүн.
Ош, Жалал-Абад, Баткен облустарынын өрөөндөрүндө, Чүй облусунун дыйканчылык аймактарында жана Талас, Ысык-Көл, Нарын облустарында күн ачык болот. Жолдор тайгак жана тоңголок болот. Бул тууралуу Кыргызгидромет билдирди.
Абанын температурасы Чүй, Баткен, Ош, Жалал-Абад облустарында 9…14, Таласта 8…13 градус жылуу болушу ыктымал. Нарын өрөөнүндө -5…-10 градус суук, ал эми Ысык-Көл аймагында 3…8 градус жылуу болору айтылды.
Ош жана Бишкек шаарларында жаан жаабайт. Күндүн табы борбор калаада 11…13, Ошто 9…11 градуска чейин көтөрүлөт.
