11:23 20 Чын Куран 2019
Түз эфир
  • USD69.6426
  • EUR78.3236
  • RUB1.0888
Айдоочу. Архивдик сүрөт

Мас болуп машина айдагандарга салынуучу айып пулдун көлөмү өзгөрбөйт

CC BY 2.0 / upyernoz / Uskar
Кыргызстанда
Кыскача шилтеме алуу
177 0 0

Киргизилип жаткан өзгөртүү боюнча мас абалында кармалган айдоочу экспертизадан баш тартса 5500 сом эмес, 17 500 сом төлөйт.

БИШКЕК, 7-фев. — Sputnik. Ички иштер министринин орун басары Курсан Асанов "Кыргыз Республикасындагы жол кыймылы жөнүндө" мыйзамга, Эреже бузуулар жөнүндө кодекске киргизилип жаткан өзгөртүүлөрдө мас болуп алып автоунаа айдагандарга каралган айып пулдун көлөмү 17 500 сом бойдон калганын Жогорку Кеңештин жалпы жыйынында билдирди.

Жогорку Кеңештин жыйыны. Архив
© Фото / пресс-служба Жогорку Кенеша
Депутаттар "Кыргыз Республикасынын айрым мыйзам актыларына ("Кыргыз Республикасындагы жол кыймылы жөнүндө" мыйзамга, Бузуулар жөнүндө кодекске) өзгөртүүлөрдү киргизүү тууралуу" мыйзамдын долбоору карап жатат. Ал экинчи окууга киргизилет. Бирок өкмөт мыйзам долбоорун 2-3-окууда кабыл алып берүүнү суранууда.

Асанов депутаттардын суроолоруна жооп берип жатып, мас абалында кармалган айдоочу экспертизадан баш тартса, ага салынган айып пул мурдагыдай 5500 сом эмес, 17500 сомго чыгарылганын айтты. Ал эми шаар жана шаардын тышында коопсуздук курун тагынбагандарга каралган айып пул 1000 сом деп бирдей белгиленди.

Депутат Алмазбек Эргешов ичип алып рулга отургандарга айыпты 17500 сомдон көп кароого эмне тоскоолдук болуп жатканын сурады.

Өз кезегинде Асанов жаңы кодекстер иштелип чыгып жатканда ошондой сумма каралганын айтты.

"Эгерде биз жогору көтөрө турган болсок, башка кодекстер дагы бар да. Мисалы, Жоруктар жөнүндөгү кодекстеги айып акчалар ага туура келбей калат. Андай жолго барсак, башкалардын да айып акчаларын көтөрүшүбүз керек. Ошондуктан эксперттер дагы 17500 сом деген суммага токтолгон", — деди министрдин орун басары.

Эл өкүлү Эргешов мындай кадам туура эместигин белгиледи.

"Менимче бул туура эмес. Эл менен сүйлөшкөндө алар да көтөрүш керек деп жатышат. Мисалы, Польшада мас болуп айдагандарга 19 миң еврого чейин айып каралган экен. Казакстанда 6 миң доллар экен", — деди депутат.

Ички иштер министринин орун басары чынында айыпты көтөрүүгө макул экенин билдирди.

"Айдоочу өзү билип мас болуп айдап жатат. Оор кесепеттерге тушугуп, башка адамдардын өмүрүн кыйып жатат. Ошондуктан учуру келгенде силер тараптан сунуштар болсо биз колдойбуз", — деди ал.

2019-жылдын 1-январынан тарта күчүнө кирген жаңы кодекс коомдо бир топ талкуу жараткан болчу.

Тема боюнча

Министрдин орун басары: түкүрүк деген сөз жокко чыгарылат, бирок...
Депутаттар түкүрүк үчүн айып пулду 5500 сомдон 1000 сомго түшүрүүнү сунуштады
Белгилер:
мыйзам долбоору, айып пул, мас, Курсан Асанов, Жогорку Кеңеш

ЭҢ МААНИЛҮҮ