03:42 26 Үчтүн айы 2020
Түз эфир
  • USD69.8443
  • EUR77.1640
  • RUB1.1301
Кыргызстанда
Кыскача шилтеме алуу
730 0 0

Бийик тоолуу аймактарга кар түшөт.

БИШКЕК, 20-июн. — Sputnik. 20-23-июнда күтүлүп жаткан нөшөрлүү жаан-чачынга байланыштуу айрым райондорунда сел жүрүү ыктымалдыгы жогорулайт. Бул тууралуу ӨКМдин маалымат кызматы билдирди.

Ага ылайык, 21-июнда түнкүсүн көпчүлүк аймактарда өткүн өтүп, күн күркүрөйт. Бийик тоолуу райондорго кар түшөт. Ош, Жалал-Абад, Баткен облустарынын тоо этектеринде, тоолуу райондорунда жана Ысык-Көл ойдуңунда нөшөрлөп жамгыр төгөт. Күндүз Ысык-Көл, Нарын облустарынын көпчүлүк аймактарында, Ош, Жалал-Абад, Баткен, Чүй, Талас облустарынын тоо этектеринде жана тоолуу райондорунда өткүн өтүп, күн күркүрөйт. Батыштан соккон шамалдын ылдамдыгы секундасына 4-9 метрден 15-20 метрге чейин жетет.

22-23-июнь күндөрү тоо этектеринде жана тоолуу райондордо өткүн өтүп, бийик тоолуу райондорго кар жаайт. Чүй, Талас, Ош, Жалал-Абад облустарынын өрөөндөрүндө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден тоо этектеринде жана тоолуу райондордо 15-20 метрге чейин жетиши мүмкүн.

24-июнда түнкүсүн жаан-чачын күтүлбөйт, ал эми күндүз жана 25-июнда мезгил-мегили менен жаан жаап, күн күркүрөп, бийик тоолуу райондордо кар жаайт.

Ал эми Бишкек шаарында 21-июнда түнкүсүн өткүн өтүп, күн күркүрөйт. 22-23-июнда жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.

Ош шаарында 21-июнда түнкүсүн өткүн өтүп, күн күркүрөйт. 22-23-июнда жаан-чачын болбойт. Батыштан соккон шамалдын ылдамдыгы секундасына 4-9 метрге чейин жетет.

Тема боюнча

Июль айына карата аба ырайы
Белгилер:
аба ырайы, Кыргызгидромет, Кыргызстан

ЭҢ МААНИЛҮҮ