БИШКЕК, 25-июл. – Sputnik. Билим берүү жана илим министрлиги өлкөнүн бардык аймагында англис тилинен сабак берген 2435 мугалимдин квалификациясын жогорулатат. Бул тууралуу аталган министрликтин маалымат кызматы билдирди.
Окууну "Сапат" мектептеринде "Лингва" билим берүү борборунун окутуучулары өткөрөт.
"Жаңы окуу жылына карата 5-класстын окуучулары үчүн жаңы окуу комплекси иштелип чыгат. Өкмөт бул максатка 33 миллион сом бөлдү", — деп айтылат маалыматта.
Мугалимдердин билимин жогорулатууга колдоону эл аралык "Сапат" билим берүү мекемесинен тышкары, АКШнын Кыргызстандагы элчилиги, "Аскар Салымбековдун прогрессивдүү демилгелер фонду" жана "Аркус" басмаканасы көрсөтүүдө.
