Күзгө чейин 189 мамлекеттик кызмат көрсөтүүлөр электрондук форматка өткөрүлөт

© Sputnik / Евгений Самарин / Медиабанкка өтүүРабота городской поликлиники № 64
Работа городской поликлиники № 64 - Sputnik Кыргызстан
Жазылуу
Долбоор ийгиликтүү ишке ашса өлкөдө коррупция азайып, элдин да аткаруу бийлик өкүлдөрүнө болгон ишеними артаарын Жээнбеков билдирди.

БИШКЕК, 4-июл. — Sputnik. Премьер-министр Сооронбай Жээнбеков 2017-жылдын 1-октябрына чейин 189 мамлекеттик кызмат көрсөтүүлөрүн электрондук форматка өткөрүүгө буйрук берди. Бул тууралуу Өкмөттүн маалымат кызматы кабарлады.

Өкмөт башчы учурда дүйнө жүзүндө электрондук башкаруу приоритеттүү болуп жатканын айтып, анын арты менен бир топ мамлекеттерде коррупция азайып, экономикасы өсүп жатканын баса белгиледи.

"Жалпы 373 мамлекеттик кызмат көрсөтүүлөрдүн ичинен 189у ушул жылдын 1-октябрына чейин электрондук форматка өткөрүлөт. Аталган маселени ийгиликтүү ишке ашыруу үчүн мамлекеттик органдардын баары Байланыш жана маалыматтык технология мамлекеттик комитети менен тыгыз байланышта кызматташы керек. Буга район жана облус жетекчилерин да сөзсүз тартуу зарыл", — деди Жээнбеков.

Долбоорлор ийгиликтүү ишке ашса өлкөдө коррупция азайып, элдин да аткаруу бийлик өкүлдөрүнө ишеними артаарын Жээнбеков кошумчалап өттү.

Жаңылыктар түрмөгү
0