Адамзаттын өнүгүү индексинде Кыргызстан Африка жана Ирактын ортосунда калды

© Sputnik / Табылды КадырбековКыргызстандын желегин кармаган шаар тургундары. Архив
Кыргызстандын желегин кармаган шаар тургундары. Архив - Sputnik Кыргызстан
Жазылуу
Кыргызстан Орто Азия мамлекеттеринин ичинен бир гана Тажикстандан озуп өткөн.

БИШКЕК, 23-мар. — Sputnik. Бириккен Улуттар Уюмунун адамзаттын өнүгүү индекси боюнча Кыргызстан былтыркы көрсөткүчүн жаңылай алган жок. 

Праздничный концерт в честь Дня матери - Sputnik Кыргызстан
Кыргызстан бактылуу өлкөлөр рейтингинде 13 позицияга артка чегинди
Дүйнөнүн 188 мамлекетиндеги абалга саресеп салган рейтинг кечээ Стокгольм шаарында сунушталды. Ага ылайык Кыргызстан былтыркы 120-сабынан жылбай, Түштүк Африка республикасы менен Ирактын ортосунан орун алган. Жалпысынан Кыргызстан адамзаттын өнүгүүсү орто делген мамлекеттердин катарын толуктады.

Орто Азия мамлекеттеринин ичинен эң алдыда Казакстан (56-орун), экинчи орунда Өзбекстан (105-орун) турат. Бул эки мамлекет адамзаттын өнүгүшү жогору болгон мамлекеттерге кирген. Үчүнчү орунду Түркмөнстан (111-орун) ээлеген. Ал эми Кыргызстан болсо бир гана Тажикстандан (129-орун) озуп өткөн.

Рейтингдин көч башында Норвегия, Австралия, Швейцария, Германия жана Дания турат. Ал эми эң акыркы орундарды Африканын Нигер жана Чад мамлекеттери ээлеген.

Адамзаттын өнүгүү рейтинги кишилердин узак жашашы, билим берүү, ички дүң продукциянын киши башына бөлүнүшүн эске алуу менен чыгарылат.

Жаңылыктар түрмөгү
0