14:15 12 Жетинин айы 2019
Түз эфир
  • USD69.8426
  • EUR77.0294
  • RUB1.0928
Антитеррористик операция. Архив

УКМК террордук кооптуулуктун деңгээлин үч түс менен аныктайт

© Sputnik / Табылды Кадырбеков
Кыргызстанда
Кыскача шилтеме алуу
88 0 0

Шарттуу белги катары кызыл, көк жана сары түстөр тандалып алынган. Кооптуулук четтетилгенден кийин деңгээлдер алып салынат.

БИШКЕК, 13-апр. — Sputnik. Өлкөдө террордук кооптуулук жаралганда адамдын, коомдун жана мамлекеттин коопсуздугун камсыздоо боюнча кошумча чараларды кабыл алуу жана анын деңгээлин аныктаган шарттуу белгилер иштелип чыкты. Бул туурасында УКМК билдирди.

Маалыматка ылайык, эми өлкөдөгү кооптуулуктун канчалык экендиги көк, сары жана кызыл түстөр менен аныктала турган болду. 

Мындай чечим мекемелер аралык комиссиянын отурумунда кабыл алынды.

Теракт жасалса же аны жасоого түздөн-түз аракеттер болсо кооптуу ("кызыл") деп белгиленип, бул деңгээл мындай окуяны болтурбай коюуга жана чара көрүүгө коюлат. Ага кошумча терс кесепеттерин чектөөгө жана азайтууга аракеттер жасалат.

Жогорулатылган ("көк") деңгээл террористик актыларды жасалгандыгы жөнүндө реалдуу маалыматты бышыктоого талаптар бар болсо коюлат. 

Жогорку ("сары") деңгээл террористик актылар жасалгандыгы жөнүндө реалдуу маалымат бышыкталган болсо коюлат.

Мекеме мындай аракет террористик кооптуулуктун кандай гана деңгээли болбосун, мамлекеттик жана башка органдар тарабынан зарыл болгон кошумча чаралардын түрлөрүн кабыл алуусун жөнгө саларын белгилейт. Анын негизинде коргонуу эрежелери иштелип чыгат. 

Кооптуулук четтетилгенден кийин деңгээлдер алып салынат.

Тема боюнча

ММК: террористтер куралды Facebook аркылуу сатып алышат
ИИМ таластыктарга терроризм менен диний экстремизмдин кесепеттерин түшүндүрдү
Белгилер:
терроризм, кооптуулук, деңгээл, УКМК

ЭҢ МААНИЛҮҮ