19:30 19 Бирдин айы 2020
Түз эфир
  • USD69.8489
  • EUR75.4648
  • RUB1.0967
Кыргызстанда
Кыскача шилтеме алуу
54 0 0

Ош шаарынын базарларын текшерген комиссия бир канчасынан эреже бузууларды тапты.

БИШКЕК, 31-июль — Sputnik. Ош шаарында кечээтен тарта базарларды текшерүү башталып, бул боюнча аткаминерлер менен адистерден турган комиссия иштеп жатат. Анын курамына калаанын биринчи вице-мэри Замирбек Аскаров, ӨКМ, архитектура, мамтехинспекция, өрткө каршы, санитардык эпидемиологиялык кызматтын өкүлдөрү кирди. Мындан сырткары, тартип коргоо органдары да катышууда. 

"Эл биздин максатты туура түшүнүүсү керек. Жайма базар жолдо автотыгындар жаралышына, жол кырсыктары болушуна себепкер болууда. Бул жерде шаардык кызматтардын да, сатуучулардын да кызыкчылыгы эске алынбай жатат", — деди Аскаров.

Рейддин алкагында, "Кулатов", "Ак-Тилек" кичи райондорундагы жана Фрунзе базары жактагы ири соода жайларындагы санитардык, экологиялык жана өрткө каршы эрежелердин сакталышы текшерилет.

Иш-чаранын соңунда базарларда, коомдук тамактануу жайларында санитардык нормалардын бузулгандыгы, кээ бир жерлерде соода туура келбеген шарттарда жүргүзүлүп жаткандыгын аныкталды. Тиешелүү тараптарга бул фактылар боюнча чара көрүү милдети тапшырылды.

Биринчи вице-мэри Аскаров базарларды текшерүү аймактык башкаруу кеңештеринин кайрылууларынан кийин башталгандыгын айтты.

Жайма базарлар маселеси Бишкек шаарында да курч турат. Жергиликтүү бийликтин салган тыюусуна нааразы болгон соодагерлер июнь айынын соңунда Ак Үйдүн алдына митингге чыгып, кээ бирлери өз өмүрүнө кол салууга аракет кылышкан.

Тема боюнча

Ош базары үчүн митингге чыккан аял өз көкүрөгүн кесүүгө аракет кылды
Белгилер:
жайма базар, Ош базары, Ош

ЭҢ МААНИЛҮҮ