09:54 09 Бештин айы 2016
Түз эфир
Травматология жана ортопедия илим изилдөө борборунун директору Сабырбек Жумабековдун архивдик сүрөтү

Сабырбек Жумабеков: базардан жабыркагандар өз алдынча дем ала баштады

© Sputnik / Нургуль Максутова
Коом
Кыскача шилтеме алуу
"Дордой" базарынын чатыры урады (16)
14410

Кырсыктан беш адам жабыркап, ооруканага оор абалда түшкөн. Төртөө кайра жандандыруу бөлүмүндө, анын ичинен эки адам аппарат менен дем алып жаткан.

БИШКЕК, 1-дек. — Sputnik. Азыркы саатта үч жабыркаган адам дагы деле жандандыруу бөлүмүндө, атайын дем алдыруучу аппараттар алынды. Бул тууралуу Травматология жана ортопедия илим изилдөө борборунун директору Сабырбек Жумабеков Sputnik Кыргызстан агенттигине билдирди.

Анын айтымында, жандандыруу бөлүмүндө жаткан экөө атайын аппарат менен дем алып жаткан болчу, бүгүн түштөн кийин өз алдынча дем ала баштаган.

"Ал эми төртөөнүн бирөөсүнүн абалы бир аз жакшы болгонуна байланыштуу нейрохирургия бөлүмүнө котордук. Баары акырындан сүйлөп, аты-жөнүн айтып, дарыгерлер менен байланышка чыгышты. Абалдары дагы деле оор бойдон, бирок туруктуу", — деди дарыгер.

Ошондой эле ал төртөөнөн сырткары дагы эки бейтап дарыгердин көзөмөлүндө экендигин билдирди.

"Аларды дагы көрүп, жардам бердик. Учурда амбулатордук жол менен үйүндө дарыланып жатышат. Дары-дармектин баары жетиштүү. "Алкан" базарынын кызматкерлери бизде жок дарыларды алып берип жатат", — деди Жумабеков.

Эске сала кетсек, 29-ноябрда эртең менен Бишкек шаарынын түндүк тарабында жайгашкан ири "Дордой" соода-базар комплексинин аймагынын субъектилеринин бири болгон "Алкан" базарындагы негизги өтмөктүн чатыры кулап, кишилерди басып калган. Кырсыктан беш адам жабыркап, ооруканага оор абалда түшкөн.

"Дордой" базарындагы урап түшкөн чатырдын кадрларын Sputnik Кыргызстан видеосунан көрүңүздөр>>

Тема:
"Дордой" базарынын чатыры урады (16)

Тема боюнча

"Алкан" базарынын чатырынын урашы боюнча милиция иликтөө баштады
Чыңгыз Алканов: базардан жабыркагандардын дары-дармектерин алып берип жатабыз
Сабырбек Жумабеков: "Алкан" базарындагы кырсыктан жабыркагандардын абалы оор
Белгилер:
жабыркоочулар, чатыр, кырсык, Сабырбек Жумабеков

ЭҢ МААНИЛҮҮ