БИШКЕК, 29-фев. — Sputnik. Качып кеткен Азатбек Алымкуловду коштоп жүргөн Аламүдүн РИИБ күзөтчүлөрү камакка алынганын ИИМ билдирди.
Жума күнү 27 жаштагы соттолуучу Азатбек Алымкуловдун качып чыкканы белгилүү болгон. Каракчылык боюнча айыпталган жаран Аламүдүн районунда өтүүчү сот процессине алып келген күзөтчүлөрдүн колунан качып кеткен. Азырынча анын сот маалында же андан кийин качканы так аныктала элек. Буга чейин бир нече ирет кесилген Алымкулов төрт шериги менен май куюучу жайды карактап жарым миллион сомго чукул каражатты алып кетти деп айыпталып келген.
"Милиция кызматкерлери камакка алынып, Ысык-Ата районунун убактылуу крмоочу жайына киргизилди", — деп айтылат билдирүүдө.
Белгилери: бою болжол менен 185-190 сантиметр, орто чымыр денелүү, башында кара түстөгү кепка жана кара бут кийип кийип жүрөт.
Милиция качкын кылмышкерди көргөн-билгендер болсо 0312) 36-35-23, же 0(312) 43-01-27, (0701)655568; 0701655571, 0552 888838 телефондору аркылуу байланышуусун өтүнөт.
