"Ата керээзи" тасмасы "Оскарга" көрсөтүлөт

© AFP / GABRIEL BOUYS Оскар сыйлыгы. Архив
Оскар сыйлыгы. Архив - Sputnik Кыргызстан
Жазылуу
Эки саатка чукул созулган толук метраждуу "Ата керээзи" тасмасы "Кыргызфильм" жана "Элфильм" студияларында тартылган.

БИШКЕК, 18-сен. — Sputnik. Режиссерлор Бакыт Мукул менен Дастан Жапар уулуна таандык "Ата керээзи" тасмасы Кыргызстандын атынан "Оскар" сыйлыгына көрсөтүлөт. Бул тууралуу аталган тасманын продюсерлеринин бири Талант Төлөбеков билдирди.

Анын айтымында, тасма Монреалдагы кинофестивалда "Алтын зенит" жеңип алгандан кийин бир топ чакыруулар түшө баштаган. Биринчилерден болуп аталган фильм Садык Шер-Нияз негиздеген Лос-Анжелестеги Asian World Film Festival кинофестивалына катышмакчы. 

"Монреалдагы сынакта тасманын жеңүүчү болушу анын автоматтык түрдө "Оскарга" көрсөтүлүүсүнө жол ачат. Мындан тышкары, Кыргызстандагы атайын комитет да бул аракетти колдоп жатат. Буюрса, "Мыкты чет элдик тасма" номинациясында ат салышабыз", — деди Төлөбеков. 

Кинопленка. Архив - Sputnik Кыргызстан
"Асман алдында" тасмасы Италия менен Кытайдагы фестивалга чакырылды
Продюсер учурда тасманын техникалык мүчүлүштүктөрү оңдолуп, даярдыктар көрүлүп жатканын белгиледи. Анын айтымында, октябрдын башында тасма "Оскар" сыйлыгынын комиссиясынын кароосуна жөнөтүлүп, жыйынтыгы жаңы жылга чейин чыкмакчы.

Эки саатка чукул созулган толук метраждуу "Ата керээзи" тасмасы "Кыргызфильм" жана "Элфильм" студияларында тартылып, башкы ролдордо Иман Мукул, Марат Алышпаев, Тынара Абдразаева, Бакыт Мукул жана башкалар ойногон.

Сценарийге ылайык, Америкада жашап жаткан Азат аттуу бала атасынын керээзи менен анын сөөгүн Кыргызстанга алып келет. Карыздарынан кутулуп, туугандары, достору менен жолугуп, жергиликтүү окуялардын күбөсү болот. Улам барган сайын Ата Журттун топурагы кымбат экенин сезип, Америкага кетер-кетпесин билбей арсар ойго батат.

Жаңылыктар түрмөгү
0