https://sputnik.kg/20230808/tattybubu-tursunbaeva-biografiya-1077669450.html
Таттыбүбү Турсунбаева — өмүр баяны
Таттыбүбү Турсунбаева — өмүр баяны
Sputnik Кыргызстан
Легендарлуу актриса Таттыбүбү Турсунбаева 1944-жылы 12-июлда Нарын облусуна караштуу Жумгал районунун Чаек айылында туулган. 08.08.2023, Sputnik Кыргызстан
2023-08-08T16:29+0600
2023-08-08T16:29+0600
2023-08-09T16:08+0600
кыргызстан
таттыбүбү турсунбаева
өмүр баяны
биография
https://sputnik.kg/img/101870/62/1018706257_154:310:1818:1246_1920x0_80_0_0_b665f898a85cd1a470dba7a1a843e4e5.jpg
Өмүрү жана чыгармачылыгыТаттыбүбү төрт эркек бир туугандын арасында жалгыз кыз болгондуктан эрке, шайыр, тентек болуп өсөт. Агасы Нуркан менен өзгөчө ынак эле. Экөө мектептеги, райондук маданият үйүндөгү өздүк көркөм чыгармачылык ийримине жазылган. Экөө тең спортко кызыгып, баскетбол, волейбол боюнча мелдештерге катышат. Таттыбүбү 9-классында бийиктикке секирүү боюнча облустук жарышта 1-орунду алган. Республикалык кароо-сынакка да чогуу келип, агасы аккордеондо ойноп, Таттыбүбү "Гүлкайыр" деген ырды аткарып 1-орунду ээлешкен. 1960-жылы "Салиманын ыры" аттуу кыска метраждуу фильмге да экөө чогуу тартылышат.Жылдызы эрте жанган тубаса талант 17 жашында Ташкенттеги А.Н. Островский атындагы Театр жана көркөм өнөр институтунун драма жана кино актёру факультетине тапшырып, окуусун 1966-жылы аяктаган.Ошол жылдан тартып көзү өткүчө Кыргыз мамлекеттик академиялык драма театрында иштеген.1974-жылы Кыргыз ССРинин эмгек сиңирген артисти наамы берилген. СССР кинематографисттер союзунун жана Кыргызстан кинематографисттер союзунун мүчөсү болгон.Үй-бүлөсүАктриса курсташы Имаш Эшимбековго турмушка чыккан. Экөө театрда бирге иштеп, айрым спектаклдерде чогуу ойношкон. Мисалга Шекспирдин "Ромео менен Жульеттасында" Таттыбүбү Жульеттанын, Имаш Эшимбеков Ромеонун; Мар Байжиевдин "Төрт адамында" бири Назинин, экинчиси Азиздин образын алып чыкканын айтса болот.Жубайлар Асел, Канат аттуу уул-кыздуу болушкан. Алар 10 жылдай гана чогуу жашап, балдары кичине кезинде түшүнбөстүктөн улам ажырашып кетишет.Таттыбүбү Турсунбаева 1981-жылы 21-декабрда 37 жашында мезгилсиз дүйнө салган.Театрдагы ролдоруТаттыбүбү Турсунбаева сахнада керемет ролдорду жараткан. Алардын көбү дүйнөлүк жана советтик классикалык чыгармалардагы образдар: Асел (Ч.Айтматов, "Делбирим"), Кар канышасы (Е.Шварц, "Кар канышасы"), Бьянка (У.Шекспир, "Азоого чалма"), Нази (М.Байжиев, "Эрөөл"), Бүбү (К.Маликов, "Осмонкул"), Төрөкан (А.Токомбаев, "Өлбөстүн үрөнү"), Гүлмайра (Т.Абдумомунов, "Жыгылган оогонго күлөт"), Лайлум (Ш.Садыбакасов, "Ак боз ат"), Эркеайым (Ш.Садыбакасов, "Ак боз ат"), Жульетта (У.Шекспир, "Ромео менен Жульетта"), Чолпон (К.Маликов, "Бийик жерде"), Шафак (М.Карим, "Ай тутулган түндө"), Зулайка (М.Байжиев, "Байыркы жомок"), Анвар (Ч.Айтматов менен К.Мухаммеджанов, "Фудзиямада кадыр түн"), Дездемона (У.Шекспир, "Отелло"), Амелия (Г.Лорка, "Бернарда Альбанын үйү"), Элпи (К.Мамбетакунов, "Омар Хайямдын махабаты"), Мадина (М.Байжиев, "Ар бир үйдө майрам"), Зулайда (Т.Абдумомунов, "Машырбек үйлөнөт"), Фелисьяна (Лопе де Вега, "Бий мугалими") жана башкалар.Кинофильмдердеги ролдоруАтактуу артист кинотасмаларда да кайталангыс, эстен кеткис образдарды жараткан. Алсак: Салима ("Салиманын ыры"), Айзада ("Эң тил алчаак"), Толгонайдын жаш кези ("Саманчынын жолу"), Акмөөр ("Акмөөр"), Уркуя ("Отко таазим"), Зейне ("Ак куулар конгон айдың көл"), Жээнгүл ("Атадан калган туяк"), Асия ("Сүйүү жаңырыгы"), Бейтааныш сулуу ("Кызыл алма"), Зулайка ("Процесс") ж.б.
https://sputnik.kg/20230715/zholboldu-alybaev-omur-bayan-1077069148.html
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, таттыбүбү турсунбаева, өмүр баяны, биография
кыргызстан, таттыбүбү турсунбаева, өмүр баяны, биография
Таттыбүбү Турсунбаева — өмүр баяны
16:29 08.08.2023 (Жаңыртылды: 16:08 09.08.2023) Легендарлуу актриса Таттыбүбү Турсунбаева 1944-жылы 12-июлда Нарын облусуна караштуу Жумгал районунун Чаек айылында туулган.
Таттыбүбү төрт эркек бир туугандын арасында жалгыз кыз болгондуктан эрке, шайыр, тентек болуп өсөт. Агасы Нуркан менен өзгөчө ынак эле. Экөө мектептеги, райондук маданият үйүндөгү өздүк көркөм чыгармачылык ийримине жазылган. Экөө тең спортко кызыгып, баскетбол, волейбол боюнча мелдештерге катышат. Таттыбүбү 9-классында бийиктикке секирүү боюнча облустук жарышта 1-орунду алган. Республикалык кароо-сынакка да чогуу келип, агасы аккордеондо ойноп, Таттыбүбү "Гүлкайыр" деген ырды аткарып 1-орунду ээлешкен. 1960-жылы "Салиманын ыры" аттуу кыска метраждуу фильмге да экөө чогуу тартылышат.
Жылдызы эрте жанган тубаса талант 17 жашында Ташкенттеги А.Н. Островский атындагы Театр жана көркөм өнөр институтунун драма жана кино актёру факультетине тапшырып, окуусун 1966-жылы аяктаган.
Ошол жылдан тартып көзү өткүчө Кыргыз мамлекеттик академиялык драма театрында иштеген.
1974-жылы Кыргыз ССРинин эмгек сиңирген артисти наамы берилген. СССР кинематографисттер союзунун жана Кыргызстан кинематографисттер союзунун мүчөсү болгон.
Актриса курсташы Имаш Эшимбековго турмушка чыккан. Экөө театрда бирге иштеп, айрым спектаклдерде чогуу ойношкон. Мисалга Шекспирдин "Ромео менен Жульеттасында" Таттыбүбү Жульеттанын, Имаш Эшимбеков Ромеонун; Мар Байжиевдин "Төрт адамында" бири Назинин, экинчиси Азиздин образын алып чыкканын айтса болот.
Жубайлар Асел, Канат аттуу уул-кыздуу болушкан. Алар 10 жылдай гана чогуу жашап, балдары кичине кезинде түшүнбөстүктөн улам ажырашып кетишет.
Таттыбүбү Турсунбаева 1981-жылы 21-декабрда 37 жашында мезгилсиз дүйнө салган.
Таттыбүбү Турсунбаева сахнада керемет ролдорду жараткан. Алардын көбү дүйнөлүк жана советтик классикалык чыгармалардагы образдар: Асел (Ч.Айтматов, "Делбирим"), Кар канышасы (Е.Шварц, "Кар канышасы"), Бьянка (У.Шекспир, "Азоого чалма"), Нази (М.Байжиев, "Эрөөл"), Бүбү (К.Маликов, "Осмонкул"), Төрөкан (А.Токомбаев, "Өлбөстүн үрөнү"), Гүлмайра (Т.Абдумомунов, "Жыгылган оогонго күлөт"), Лайлум (Ш.Садыбакасов, "Ак боз ат"), Эркеайым (Ш.Садыбакасов, "Ак боз ат"), Жульетта (У.Шекспир, "Ромео менен Жульетта"), Чолпон (К.Маликов, "Бийик жерде"), Шафак (М.Карим, "Ай тутулган түндө"), Зулайка (М.Байжиев, "Байыркы жомок"), Анвар (Ч.Айтматов менен К.Мухаммеджанов, "Фудзиямада кадыр түн"), Дездемона (У.Шекспир, "Отелло"), Амелия (Г.Лорка, "Бернарда Альбанын үйү"), Элпи (К.Мамбетакунов, "Омар Хайямдын махабаты"), Мадина (М.Байжиев, "Ар бир үйдө майрам"), Зулайда (Т.Абдумомунов, "Машырбек үйлөнөт"), Фелисьяна (Лопе де Вега, "Бий мугалими") жана башкалар.
Атактуу артист кинотасмаларда да кайталангыс, эстен кеткис образдарды жараткан. Алсак: Салима ("Салиманын ыры"), Айзада ("Эң тил алчаак"), Толгонайдын жаш кези ("Саманчынын жолу"), Акмөөр ("Акмөөр"), Уркуя ("Отко таазим"), Зейне ("Ак куулар конгон айдың көл"), Жээнгүл ("Атадан калган туяк"), Асия ("Сүйүү жаңырыгы"), Бейтааныш сулуу ("Кызыл алма"), Зулайка ("Процесс") ж.б.
