Элмирбекти эстеткен сүрөттөр. Ак таңдай акын 6 жыл мурда дүйнө салган

Алты жыл мурда коронавирустан улам жаралган дүйнөлүк пандемиянын учурунда каза таап, Бишкек шаарында жерге берилген.

Sputnik агенттиги өнөрпоздун жаштыгын, сүйүүсүн, үй-бүлөсүн, чыгармачылык жолун баяндаган сүрөттөрдү сунуштайт.

Акын 1978-жылы 17-январда ак таңдайлардын алптарынын бири Токтогул акындын жеринде, Өзгөрүш айылында жарыкка келген.

Жаш кезинен тарта, тагыраагы, 15инде төкмө акындардын республикалык, эл аралык конкурстарына, фестивалдарына катышып, элге таанылган. Казак-кыргыз журтчулугуна төкмө акын, жазма акын, обончу, ырчы, актёр, манасчы катары таанылып, жалпы элдин сүймөнчүлүгүнө ээ болгон. 2016-жылы ага КРдин эл артисти наамы берилген.

1 / 15

Эл акыны Элмирбек Иманалиев болгону 42 жыл гана жашады...

2 / 15

Акын Элмирбек Иманалиевдин авазы угуп отургандарды жипсиз арбап алчу

3 / 15

Бул адамга Жараткан талантты аябай берген дейсиң. Ырчы, обончу, манасчы, алып баруучу, анан устат...

4 / 15

Бармактайынан баш кошкон биринчи жубайы Гүлбү Ороскул кызы, чүрпөлөрү Айзуура жана Сезим менен. Кийин жубайлар турмуштун эки башка жолуна түшкөн.

5 / 15

2016-жыл. Акындын тун кызы Айзуура Иманалиева турмушка узап жаткан кез. Сүрөттө кыздан тышкары Элмирбек Иманалиев, Гүлбү Ороскул кызы жана алардын күйөө баласы Мирзат Муканов.

6 / 15

Ошол турушунда улуулардын учугун улачу жаштар десек жарашмак... Сүрөттө акын Азамат Болгонбаев (солдо), залкарлардын бири, кинорежиссер, акын жана мамлекеттик ишмер Дооронбек Садырбаев (ортодо) жана Иманалиев (оңдо).

7 / 15

Элмирбек Иманалиев кер мурут учурунда эле таскагы катуу чыккан

8 / 15

Элмирбек Иманалиев "Руханият" ассоциациясынын жетекчиси Акун Токтосартов менен

9 / 15

Элмирбек Иманалиев шакирттери, санаалаштары, үзөңгүлөштөрү менен

10 / 15

Тагдыр кийин Элмирбек Иманалиев менен Нурзатты жолуктурган. Жарынын өнөрүнөн алыс болсо да, айтыштарын калтырбай көрүп, күйөрмандык кыларын айтканы бар.

11 / 15

Жубайлар үч уул, бир кыздуу болушкан

12 / 15

Элмирбек Иманалиев (солдо) жубайы Нурзат (оңдо) жана жакын досу, белгилүү акын Зайырбек Ажыматов (ортодо) менен

13 / 15

Жандуунун бардыгы ойгонуп, жаз кап ортолоп калганда Элмирбек Иманалиевди эли акыркы сапарга узатты

14 / 15

Элмирбек досунун артынан, 9 күндөн кийин күйүткө алдырган жан досу, таланттуу акын Зайырбек Ажыматов да кете берди...

15 / 15

Элмирбек акындын жубайы Нурзат уулу Адылхан менен Spuntik Кыргызстандын студиясында.

"Убакыт дарылайт деп коет го, бирок убакыт дарылабай эле күн өткөн сайын сагынычыбыз күч алгандан күч алды", - дейт Нурзат айым.