БИШКЕК, 13-янв. — Sputnik. Кыргызстанда тигүү жана текстиль өнөр жайынын субъектилери үчүн киреше салыгынын ставкалары жана камсыздандыруу тарифтери төмөндөтүлдү.
Салык кызматы билдиргендей, 2030-жылдын 1-январына чейин бул тармактагы бардык субъектилер үчүн камсыздандыруу төгүмдөрүнүн бирдиктүү ставкалары орточо айлык акынын 12-40 пайызы өлчөмүндө белгиленди. Ал эми киреше салыгынын минималдуу ставкасы бир пайызды түздү.
Жыл башынан тартып ишкерлер ар бир кызматкер үчүн 2 115,5 сом өлчөмүндө камсыздандыруу төгүмүн жана 440,7 сом өлчөмүндө киреше салыгын төлөшөт. 2026-жылга карата орточо эмгек акы 44 070 сом деп белгиленген.
Буга чейин Садыр Жапаров салык салуу, социалдык камсыздандыруу жана салыктык эмес кирешелер чөйрөсүндөгү айрым мыйзам актыларын өзгөртүүгө кол койгон.