БИШКЕК, 13-янв. — Sputnik. АКШ президенти Дональд Трамп Иран менен соода-сатык жүргүзгөн мамлекеттерге 25 пайыздык бажы алымын киргизерин жар салды. Бул өлкөлөрдүн катарында Кыргызстан да бар.
2025-жылдын январынан октябрына чейин Кыргызстан Ирандан 35 миллион долларга товар (боек, тоо-кен техникасы жана балык) алган.
Ал эми Иран Кыргызстандан чыккан продукцияга 30 миллион доллар сарптаган. Негизинен төө буурчак менен пахта алганы айтылды.