Жасалма интеллект менен ырдалган ырлардын келечеги барбы? Бул ырчылардын нанын тартып албайбы? Мындай жагдайда авторлук маданият кандай болот? Ушул суроолордун тегерегинде жасалма интеллектинин жардамы менен ырларга жаңы өң берген аранжировкачы Осмон Туланов менен маектештик.
Анын айтымында, ЖИде дүйнөдөгү эң кооз үндөр топтолгон. Ал музыканы дагы болушунча мукамдуу кылып бере алат. Бирок чектелүү гана үнү бар.
"Ошондуктан андай окшош үндөрдөн угарман бир күнү чарчайт. Мындан улам жасалма интеллект берген идеяны, музыканы пайдаланып, адам өзү дагы иштеши керек. Мисалы, мен нейротармактын мисалында жандуу үн менен ырдатам", — деди Туланов.
Алгач ЖИ берген ырларды жарыялаганда көпчүлүк түшүнгөн эмес.
"Ой, ким ырдап жатат" деп көп сурашчу. Угармандар бири-бири менен талашып-тартыша беришчү. Обончулардын өздөрүнө угузганда алар деле түшүнбөй жатышты. Ким ырдап жатат дешет. Робот десем, ишенишпейт. Тамашалап, Нейрогүл, Гүлнейро, Нейронбек, анан Нейронкан деген төрт ырчым бар деп койчумун", – деди ал.
Ошондой эле ЖИни өз алдынча үйрөнгөнүн айтып, андан чочулабай, тескерисинче, үйрөнүү зарылдыгын белгиледи.
Тема боюнча: