БИШКЕК, 3-дек. — Sputnik. Жалал-Абад облусундагы №13 округда кайра шайлоо өтө турган болду. 30-ноябрдагы шайлоодогу талапкер эми жакында дайындалган саясий өнөктүктө ат салыша албайт. Мындай чечимди бүгүн БШК чыгарды.
Мыйзам боюнча шайлоо жокко чыгарылгандан кийин бир айдын ичинде Борбордук шайлоо комиссиясы кайра шайлоону дайындайт.
Округга Базар-Коргон шаары № 2423, № 2428, № 2140, № 2141 шайлоо участкаларынын чектеринде, Базар-Коргондун Кеңеш, Арстанбап-Ата, Сайдыкум айыл аймактары, Садырбаев, Э.Алиев, Момбеков айыл аймактары, Ноокен районунун Кочкор-Ата шаары, Майлуу-Суу районундагы Майлуу-Суу шаары кирет.
Бул округда Бакыт Сыдыков, Айбек Алтынбеков жана Айгүл Карабекова алдын ала жыйынтык боюнча озуп жаткан.
Эскерте кетсек, буга чейин социалдык тармактарда бир талапкердин тарапташтары шайлоо маалында телефонго тартып алып жатканы тарап, коомчулукта кызуу талкуу жараткан.
Парламентке аттана турган укугунан ажыраган 14 талапкер:
Мамытов Талант
Сыдыков Бактыбек
Алтынбеков Айбек
Джураева Чинара
Нурбаева Гүлназ
Нышанов Сайдулла
Султанова Олмаскан
Жээнбекова Гулназ
Курбаналиев Жаныбек
Маматалиева Мунара
Саипов Айбек
Кенжебаев Нурланбек
Карабекова Айгуль
Абдалиев Мейкинбек.
БШКдан мындай чечимге макул болбосо, талапкерлердин сотко кайрылып чечимди жокко чыгартуу укугу бардыгын айтышты.