БИШКЕК, 12-ноя. — Sputnik. Балыкчыда локомотив рельстен чыгып асфальтты талкалап кеткен. Видео социалдык тармактарга тарады.
Окуяга күбө болгондор локомотив карагайды сүзгөнүн айтышууда.
Видеонун автору бул бөлүктө жол кыймылына уруксат берилбегендиктен Бишкек — Балыкчы багыты боюнча бараткан локомотив ал жерден өтпөшү керектигин белгилеген.
Маалыматка ылайык, эч ким жабыркаган эмес. "Кыргыз темир жолу" окуя боюнча комментарий бере элек.