БИШКЕК, 5-ноя. —Sputnik. Россия президенти Владимир Путин Коопсуздук кеңештин жыйынын өткөрүп, өзөктүк сыноолорду жүргүзүү ыктымалдыгына болгон даярдыкты карап чыгуу үчүн зарыл маалыматты топтоону жана анализ кылууну тапшырды.
Путиндин кебинин урунттуу учурлары:
Путин Трамптын өзөктүк сыноолор боюнча айткандары олуттуу маселе экенин белгилеген;
РФ коргоо министри Вашингтон стратегиялык чабуул коюучу куралдарды көбөйтүп жатканын айткан;
АКШ жыл аягында орто аралыкка ата алган, гиперүндүү, 5,5 миң чакырымды мээлей алган Dark Eagle ракеталык комплексин алууну пландоодо. Келечекте аларды Европа, Азия жана Тынч океан аймактарына жайгаштыруу мерчемделип жатат;
министр Андрей Белоусов "Новая земля" полигонунда өзөктүк сыноолорго тезинен даярдык көрүү туура деп эсептейт;
Путин Россия "Өзөктүк сыноолорго ар тараптан тыюу салуу жөнүндө келишим" боюнча милдеттенмелерди аткарып жатканын, бирок анын башка катышуучулары өзөктүк сыноолорду өткөрсө тийиштүү жооп чараларын көрүшү керектигин белгиледи.