Кыргызстанда менчик мектептерди ачууга лицензия берүү жөнөкөйлөштүрүлдү Агартуу министрлиги жаңы тартип боюнча лицензия алуу канчалык жеңил болуп калганын түшүндүрдү: Ага ылайык, мындай Өзгөрүүлөр орун алган:Лицензия алууга арыз кароо мөөнөтү 30 күндүн ордуна 20 күнгө чейин кыскарды. Лицензиялык кеңеш жоюлуп, текшерүү алып салынды. ӨКМ, Саламаттык сактоо министрлиги корутунду берүү мөөнөтүн кыскартуу боюнча иш алып барса, Санариптик өнүктүрүү министрлиги лицензиялоонун автоматташтырылган тутумун иштеп чыгууда. Окуу планына аймактык билим берүү органдарынын макулдугу талап кылынбайт Лицензия алуу үчүн аймактык билим берүү органдарына же облустук администрация аппараттарына кайрылууга болот. Адистер кеңеш берип, жардам көрсөтүшөт Агартуу министрлиги ишкерлерди, инвесторлорду жана жарандык коомду менчик билим берүү тармагын өнүктүрүүгө жигердүү катышууга чакырат
Улуттук коопсуздук мамлекеттик комитети 2009-жылдан бери каттоодо турган уюшкан кылмыштуу топтун мүчөсү, кримчөйрөдө Кеша каймана аты менен таанылган жаран кармалганын маалымдады.Ал мамлекеттик чек араны системалуу түрдө мыйзамсыз кесип өтүүгө айыпталып жатканын билдиришти. Шектүү Камчы Көлбаевдин тарапташы болгону, ага чейин Алманбет Анапияевдин кылмыштуу тобунун мүчөсү болгону айтылат. 2022-жылдын 18-октябрынан 2025-жылдын 13-мартына чейин пробациялык көзөмөлдө болгон. "2024-жылдын декабрында кармалган адам көзөмөл шарттарын одоно бузуп, кыргыз-казак мамлекеттик чек арасынан "брод" деп аталган тилке аркылуу ары-бери өтүп жүргөн", — деп айтылат кабарда. Кылмыштын бардык жагдайларын жана ага тиешеси бар башка адамдарды аныктоого багытталган иш-чаралар уланууда.
Майыптыгы барлар өз алдынча коляска сатып алса акчасын мамлекет төлөп берет Тиешелүү токтом долбоору коомдук талкууга чыгарылды. Ага ылайык, кенемте төлөп берүүнүн тартибин бекитүү сунушталган. Мыйзам боюнча, майыптыгы бар адам колясканы, индивидуалдык реабилитация программасында көрсөтүлгөн каражаттарды өз эсебинен сатып алса, анын баасына барабар компенсация төлөнөт. Компенсация сатып алынган буюмдун наркынын көлөмүндө, бирок орточо баасынан ашпаган өлчөмдө болушу шарт.
Россия, Кытай жана Түндүк Кореянын лидерлери — Владимир Путин, Си Цзиньпин жана Ким Чен Ын үчөө тарыхта биринчи ирет жолукканы чоң окуя болду, ал тургай Пекиндеги ири парадды да көлөкөдө калтырышы мүмкүн. Бул туурасында Guardian басылмасына таянып РИА Новости жазды. "Си, Путин жана Кимдин жолугушуусуна абдан чоң маани берилди, ал Кытайдын көчөлөрүндө өткөн масштабдуу аскердик парадды да көлөкөдө калтырчудай болду", — деп айтылат макалада. Басылма жолугушуунун жыйынтыгы азырынча белгисиз болгону менен АКШ, Британия, Япония жана Түштүк Кореяны кошкондо бир топ мамлекеттин лидерлери ага бир жагынан кызыгып, бир жагынан кооптонуп байкоо салып турганын жазды. "Андыктан бул окуя Трамптын жана Батыштын башка лидерлеринин көңүлүн бурушу ыктымал", — деп белгилеген басылма.