БИШКЕК, 16-авг. — Sputnik. Владимир Зеленский жаңжалды токтотуу боюнча Россия менен эпке келиши керек. Бул тууралуу АКШ президенти Дональд Трамп Fox News телеканалына маек куруп жатып айтканын РИА Новости жазды.
"Колубуздан келер-келбесин билгим келип жатат. Келишим азырынча даяр эмес. Бирок Украина макул болушу керек... Зеленский макул болушу керек", — деген өлкө башчы.
Трамп дагы эмнелерге токтолду:
Киев режиминин башчысы Россия менен жаңжалдашып көп нерседен кур жалак калууда;
тынчтыктын орноор-орнобосу Зеленский менен Европа мамлекеттеринин аракетине жараша болот;
Трамп Москва менен Украина боюнча келишим түзүүгө жакын калды деген пикирде;
АКШ лидери президент Владимир Путиндин тынчтык орнотууга ниети бар экенин көрүп турат;
Россиянын өзөктүк потенциалы менен эсептешпей коюуга болбойт.
Белгилей кетсек, буга чейин Аляскада Путин менен Трамптын жолугушуусу болуп өттү. Лидерлер Анкоридждеги Эльмендорф-Ричардсон аскердик базасында кезикти. Тараптар "үчкө үч" форматында үч саатка чукул сүйлөшүшкөн.
Бул — Россия менен АКШ лидерлеринин 10 жылдан берки алгачкы жолугушуусу. Бүтүндөй дүйнө коомчулугунун көңүлүн бурган окуядан кийин лидерлер чогуу маалымат жыйын өткөрүп, сүйлөшүү конструктивдүү маанайда, мазмундуу болгонун айтышты.