Ленинграддык партизандар кыргыздарга кат жазып... Сүрөттөрдө калган тарых

Англиялык The Sunday Times гезитинин жана BBC радиостанциясынын кабарчысы Александр Верт Сталинград үчүн салгылаштын күбөсү болгон экен. Ал падышалык Россияда туулгандыктан орус тилин жакшы билген. 1964-жылы Александрдын Улуу Ата Мекендик согуш тууралуу "Россия в войне 1941-1945" аттуу китеби чыккан. Верт анда "Сталинградды коргоодо советтик аскерлердин ичинен кыргыздар, казактар жана башкырлар өзгөчө эрдик көрсөттү" деп жазган.

Гитлерчилерге каршы согушкан ала-тоолуктардын сейрек сүрөттөрү Борбордук кинофотофоно архивинен табылды.

1 / 9

Октябрь орто мектебинин алгачкы бүтүрүүчүлөрү. Алардын арасында Улуу Ата Мекендик согушка катышкан С.Кубатов (5-катарда оң жактан экинчи) бар. Фрунзе облусу, 1938-ж.

2 / 9

Келечектеги Советтер Союзунун Баатыры Чолпонбай Түлөбердиев (3-катарда оң жактан үчүнчү) классташтары менен. №5 Кара-Сай орто мектеби, 1941-жыл, 8 -май.

3 / 9

Ленинград облусунун партизандарынын кыргыз элине жазган каты. 1942-1943-жж.

4 / 9

2-Украин фронтунун кыргызстандык аскери Саидов пулёмет менен душмандын мизин кайтарууда. Венгрия, 1944-жыл, 4-январь.

5 / 9

Майор Саяк Ниязалиев (1-катарда оң жактан биринчи) полктоштору менен. Венгрия, Балатон көлү, 2-Украин фронту, 31-жеңил артиллериялык бригадасы.

Кыргызстандык офицер Ниязалиев фронтто көрсөткөн эрдиги үчүн Кызыл Жылдыз, Улуу Ата Мекендик согуштун II даражадагы ордендери, Сталинградды коргоо үчүн жана Фашисттик Германияны жеңгени үчүн медалдары менен сыйланган.

6 / 9

Кыргызстанда Улуу Жеңиш күнү кандай майрамдалганы тууралуу макалалар. "Советская Киргизия" гезити, 1945-жыл, 11-май.

7 / 9

16-гвардиянын механизациялашкан бригадасынын 20-өзүнчө гвардиялык миномёт дивизионунун жоокери Турар Сейитбаев (оң жактан биринчи) достору менен.

Ал кан майданда өзгөчө каармандык көрсөтүп Эрдик үчүн жана Фашисттик Германияны жеңгени үчүн медалдары менен сыйланган. 1947

8 / 9

Улуу Ата Мекендик согуштун ардагерлери: У.Мамадияров, Т.Кочубаев, У. Капракулов, С.Мухтаров, С.Эркулов. Араван району, Ош облусу, Жданов колхозу, 1970

9 / 9

Панфилов дивизиясынын аскери Асипа Исмаилова жоокерлердин алдында кан майдандагы ырларды ырдап жаткан учуру. 1980

Тема боюнча:

Ленинград Ала-Тоого ыраазы болуп... Күлүйпа Кондучалованын согушту эскерүүсү