БИШКЕК, 27-мар. — Sputnik. "Россия сегодня" медиатобунун жаңы дирекциясынын жетекчисинин орун басары Артем Буфтяк окуяны мыкты деңгээлде баяндоо жөндөмүнүн артыкчылыктарын айтып берди.
Ал Sputnik Кыргызстан маалымат борборунда SputnikPro долбоорунун алкагында өткөн мастер-класска катышты.
Буфтяктын айтымында, баяндоо ыкмасы жөнүндө соңку кезде пиарчылар көп айта баштады. Анткени бул жарнама үчүн эң мыкты курал болуп саналат.
"Кайсы бир фирма идиш жуугуч чыгарса, анда анын пайдалуу касиеттерин гана эмес, аны кантип ойлоп табышканы жөнүндө дагы айтып берген кызыктуу ролик жаратса болот. Эгер мыкты баяндалса адам эстеп калат дагы, дүкөнгө барганда сатып алышы мүмкүн", — деди ал.
Жакшы текст окурмандын, угуучунун же көрүүчүнүн оюнда дароо элестерди жаратат.
"Мисалы, сиз Аляскадагы изилдөөчүлөрдүн эрдиктери жөнүндө жакшы аңгеме түзүүнү кааласаңыз, анда климатты, жердин рельефин, изилдөөчүлөрдү жана алар жеңүүгө тийиш болгон коркунучтарды сүрөттөө менен баштаганыңыз оң. Коомчулуктун башында дайыма сүрөт болушу керек, анткени бул — ийгиликтин ачкычы", — деди эксперт.
SputnikPro — бул өз тармагынын адистери билими, иш тажрыйбасы менен маалымат катчы, журналист жана ЖОЖ студенттери менен бөлүшүү үчүн уюштурулган мастер-класс. Долбоор 2018-жылдын жаз айларында башталып, Беларусь, Азербайжан, Армения, Грузия жана Кыргызстандын медиа айдыңында жогорку баага татып келет.
2018-жылдан бери бетме-бет жолугушуулар 24 өлкөдө жана 80ден ашуун онлайн режиминде өткөрүлдү. SputnikPro катышуучуларынын саны 12 700дөн ашат.
