БИШКЕК, 27-мар. — Sputnik. Россиянын эл аралык уюмдардагы делегациялары Украина Куралдуу күчтөрүнүн россиялык журналисттердин өлтүрүшү боюнча толук кандуу билдирүү жасашы үчүн болгон аракетин көрөт. Бул тууралуу РФ ТИМинин расмий өкүлү Мария Захарова брифингде билдирди.
"БУУнун Нью-Йорк, Женева жана Париждеги туруктуу өкүлчүлүктөрү аталган структуралардын россиялык журналисттердин Киев режими тарабынан мыкаачылык менен өлтүрүлүшү боюнча комментарий берип, билдирүү жасашын талап кылат", — деди Захарова.
Эскерте кетсек, буга чейин БУУ баш катчысынын өкүлү Стефан Дюжаррик уюм Украина Куралдуу күчтөрүнүн колунан набыт болгон журналисттердин өлүмүнө байланыштуу көңүл айтып, БУУ тиешелүү мандаты жок кылмыш иликтей албай турганын белгилеген.
"Мандатсыз эле башка учурларды кандай иликтеп келесиңер, бизди күнөөлөгөнгө кантип сөз табасыңар? Ошондо мандатыңар жок экенин эмнеге унутуп каласыңар? Киев режиминин россиялык журналисттердин өлтүрүлүшүнө кубанып жатканын аныктоо үчүн мандаттын кереги жок. Болгону алардын эмне деп жатканын угуп, тиешелүү чечим чыгаруу керек. Буга мандат зарыл эмес", — деген Захарова.
Эске салсак, Панов, Сиркели жана Федорчактын өмүрүн 24-мартта Украинанын Куралдуу күчтөрү кое берген HIMARS ракеталары алып кеткен. Журналисттер тобуна Луганскидеги Михайловка поселогунда жарандык автоунаада бара жатканда кол салынган. Россиянын Тергөө комитети бул боюнча иш козгоду.
Ал эми Прокофьева ишин аткарып жүргөндө, тагыраагы, Украина менен чектешкен Белгород облусунда курман болгонун Биринчи канал кечээ, 26-мартта, билдирген. Оператор Дмитрий Волковдун жаракаты көп болуп, оор абалда экенин айтышты. Бул боюнча да кылмыш иши козголгон.
Прокофьева Sputnik агенттигинин испан редакциясында 2020-жылдын сентябрынан 2022-жылдын ноябрына чейин иштеп, Telegram каналында гуманитардык жардам топтоо боюнча иш алып барган. Ал жактан бошогондон кийин топтогон жардамын атайын операция жүрүп жаткан аймактарга алып барган. Кийинчерээк Биринчи каналда эмгектене баштаган.
