БИШКЕК, 19-фев. — Sputnik. Зеленский Украина НАТОго жана Евробиримдикке кошулмайынча президент бойдон калууга ниеттенүүдө. Бул тууралуу ал ARD телеканалындагы маегинде билдирген.
"Эгер эртең Украина Евробиримдик менен НАТОго кабыл алынса, анда менин мындан ары керегим жок болот. Бирок бул нерсе ишке ашпаса өз өлкөмдү коргойм", — деди Зеленский.
Белгилей кетсек, буга чейин АКШнын президенти Дональд Трамп Украинада шайлоо өткөрүү зарылдыгын колдоп, Зеленскийдин рейтинги өтө төмөн экенин (4 пайыз) белгилеген.
Киев режиминин башчысы буга "Трамп жалган маалымат мейкиндигинде жашап жатат" деп жооп берип, "эгер кимдир бирөө мени азыр өзгөрткүсү келсе, анда ал нерсе азыр ишке ашпайт" деп кошумчалаган. Ал ошондой эле украиналык компаниянын маалыматы боюнча, элдин ага болгон ишеними 57 пайызды түзүп жатканын айтты.
Эске салсак, Киев режиминин башчысынын ыйгарым укуктары 2024-жылдын 20-майында аяктаган, бирок 2024-жылы өтө турган президенттик шайлоо аскердик абал жана жалпы мобилизация шылтоосу менен өтпөй калган.
