БИШКЕК, 13-янв. — Sputnik. Жогорку Кеңештин төрагасы Нурланбек Шакиев фамилиясын Тургунбек уулу деп өзгөрткөнүн соцтармактагы баракчасы аркылуу жарыялады.
Төрага бул анын көптөн берки кыялы экенин белгиледи.
"Чындыгында, аты-жөнүн өзгөртүү ар бир адамдын жеке чечими. Депутаттар Мирлан Самыйкожо жана Аманкан Кенжебаев болуп бирге демилгелеген мыйзам долбоорубузда аты-жөндү улуттук өзгөчөлүгүбүзгө ылайык жазууну сунуштаган бир нече варианттар берилген. Алардын ичинен тандап, мен Шакиев деген фамилиямды Тургунбек уулу деп өзгөртүүнү туура көрдүм", — деди төрага.
Эске салсак, фамилия алууда кеңири тандоо укугун берген мыйзам долбоору ЖКнын биринчи окуусунда жактырылган. Документте төмөнкүдөй варианттар сунушталат, мисалы, Бакытбеков Үсөн Жакшылыкович болсо, анда:
1.
Бакытбек Үсөн же Бакытбек Үсөн Жакшылык уулу (кааласа)2.
Бакытбектеги Үсөн же Бакытбектеги Үсөн Жакшылык уулу (кааласа)3.
Бакытбектеги Үсөн же Бакытбектеги Үсөн Жакшылыктын (кааласа) деп өзгөртүүгө жол берилет.