БИШКЕК, 12-янв. — Sputnik. АКШнын президенти болуп шайланган Дональд Трамптын НАТОнун кеңейиши боюнча Россиянын көз карашын түшүнө турганын айткандыгы Американын көп жылдан берки саясатындагы маанилүү билдирүү болду. Мындай пикири менен Колумбия университетинин профессору Жеффри Сакс Duran YouTube каналына курган маегинде бөлүшкөнүн РИА Новости жазды.
Трамп бул тууралуу шейшембиде Мар-а-Лаго резиденциясында сүйлөп жатып айткан. Анда ал Мосвка көп жылдан бери Киев менен батыштык альянстын байланышын колдобой келгенин, ошентсе дагы АКШ Украинанын уюмга кирүүгө укугу болушу керектигин саймедиреп келгенин билдирген. Трапмтын ою боюнча, мунун айланасында келип чыккан пикир келишпестиктер Ак үй үчүн жакшы эмес жагдайды жаратты.
"Канча жылдан берки маанилүү билдирүү болду. Бул негизги чындык, биз күбө болуп жаткандын баарынын себебине так түшүндүрмө болду", — деп белгилеген профессор.
Сакстын айтымында, АКШда көп убакыттан бери эле Украинадагы жаңжалдын чыныгы себептерин ачык талкуулоого жашыруун тыюу болуп келген. Профессор бул темадагы тексттер ири басылмалар тарабынан бир нече жолу четке кагылганын дагы айткан.
"Ал эми Трамп так жана ачык айтты... Бул нерсе согуштун аякташына негиз боло алат", — деген Сакс.
Шайлоо өнөктүгү жүрүп жаткан учурда Трамп Украинадагы жаңжалды сүйлөшүү жолу менен чечүүгө бир нече жолу убада берген. Ал тургай согушту бир күндө токтото аларын билдирген. Москва бул жөн салды чечиле калбай турган маселе деген пикирде.
РФ президенти Владимир Путин Украинанын НАТОго кириши Россиянын коопсуздугуна доо кетирерин белгилеген. Киевди альянска кошуу аракети атайын аскердик операциянын башталышынын бирден-бир себеби болгонун айткан.