БИШКЕК, 10-янв. — Sputnik. Камчыбек Ташиев Испанияда машыгып жаткан футболчулардын (U-20) Азия кубогуна даярдыгын көрдү. Бул тууралуу Кыргыз футбол биримдигинен билдиришти.
Маалыматка ылайык, федерациянын президенти жаш футболчулар менен 9-январда жолугуп, алардын жолдоштук беттешин стадиондон көрдү.
Анда 20 жашка чейинкилер арасындагы кыргыз курама командасы Испаниянын "Картахена" клубуна каршы ойноп, 5:0 эсебинде жеңишке жеткен. Оюндан соң Камчыбек Ташиев футболчулардын Азия кубогуна болгон даярдыгы мыкты экендигин белгиледи.
Азия кубогу февралда Кытайда өтөт.