БИШКЕК, 1-янв. — Sputnik. Кечээ Кочкор аймагында жалбырттап күйгөн бойдон кетип бара жаткан жүк ташуучу автоунаа видеого түшүп калган.
Социалдык тармактын колдонуучулары эмерек жүктөгөн автоунаа капчыгайдан өрттөнүп кеткенин, айдоочу өрт өчүрүүчүлөрдү көздөп айдап келгенин жазышууда.
Окуя Бишкек — Нарын — Торугарт жолунда болгон. Бактыга жараша, айдоочу аман калган, бирок эмеректери өрттөнүп кеткен. Жүк Кытайдан келе жатканы маалым болду.
ӨКМден маалыматты тастыктап, өрттү эки бригада толугу менен саат 20:05те өчүргөнүн билдиришти.