БИШКЕК, 30-дек. — Sputnik. Казакстандын Актау шаарында катталган авиакырсыктан жабыркаган үч мекендеш Кыргызстанга алып келинди. Бул тууралуу ӨКМ кабарлады.
Бейтаптарды алып келе жаткан учак "Манас" аэропортуна түнкү саат 02.52де конгон. Жабырлануучулар тез жардам менен Улуттук госпиталга жеткирилди. Учурда дарыгерлердин көзөмөлүнө.
Эскерте кетсек, 25-декабрь күнү Бакудан Грозный шаарына учуп келе жаткан "Азербайжан аба жолдорунун" Embraer-190 учагы кырсыкка учурап, ичиндеги 67 жүргүнчүнүн 38и көз жумган. Аман калган 29 кишинин үчөө кыргызстандыктар эле. Үчөө тең ооруканага жеткирилип, 20 жаштагы жигиттин абалы оор деп бааланып жаткан.