Алптар, генийлер, таланттар! Кыргыз киносунун үлкөндөрүнүн экрандагы ирмемдери

Анткен менен азыркы Кыргызстанда да бир топ кинокартиналар жаралып, көрөрмандардын арзуусунда. Бирок баары бир "кыргыз керемети" кайталангыс болуп калгандай....

17-ноябрь — өлкөнүн кинематографисттеринин кесиптик майрамы, Кыргыз киносунун күнү.

Төмөндө Кыргызстандын гениалдуу, таланттуу режиссерлору жараткан фильмдердеги улуу, алп, уникалдуу актер, актрисалардын кинодогу ирмемдерин окурмандарга тартуулайбыз.

1 / 15

Кыргыз ССРинин эл артисти Советбек Жумадылов менен СССРдин эл артисти Бакен Кыдыкеева. Алар элеттик жубайлардын ролун аткарган. Геннадий Базаровдун "Көчө" кинокартинасынан бир көрүнүш.

2 / 15

Кыргыздын шедевр кинокартиналарынын бири — "Бакайдын жайыты". Төлөмүш Океев бул киного кыргыз театрынын дөө-шааларын чакырган. Бакайдын ролунда Кыргыз эл артисти, СССРдин эл артисти Муратбек Рыскулов.

3 / 15

"Бакайдын жайытындагы" эки залкар — Муратбек Рыскулов менен Советбек Жумадылов

4 / 15

Баралына келип, таланты тапталган эки мыкты. СССРдин эл артисти Сүймөнкул Чокморов, КРдин эл артисти Жамал Сейдакматова Төлөмүш Океевдин "Улан" фильминде, Ысык-Көл, 1977-жыл.

5 / 15

Толгонай жакындарын согуш жалмаган, бирок миң кайгыны былк этпей көтөргөн кайраттуу, ичтен сызганы менен каардуу да боло билген ЭНЕ. Геннадий Базаровдун "Саманчынын жолу" киносундагы актриса Бакен Кыдыкеева.

6 / 15

Кыргыз Республикасынын эл артисти Орозбек Кутманалиев "Бөрү зындан" фильминде. Бул тасма тууралуу кезегинде Советтер Союзунда бир топ талкуу, алкоо, мактоо болгон.

7 / 15

Сүймөнкул Чокморов режиссер Болот Шамшиевдин "Ысык-Көлдүн кызгалдактары" тасмасындагы башкы каарман Карабалтанын образында. Эмне деген керемет фильм!

8 / 15

СССРдин эл артисти Сабира Күмүшалиева режиссер Болот Шамшиевдин "Ак кеме" тасмасында Карыз таененин образында

9 / 15

Атактуу Таттыбүбү Турсунбаева Төлөмүш Океевдин "Отко таазим" кинофильминде Уркуянын ролунда

10 / 15

Белгилүү актриса Жамал Сейдакматова менен актёр Дүйшөн Байдөбөтов. Режиссёр Дооронбек Садырбаевдин "Акбаранын көз жашы" тасмасына тартылып жаткан учур. Ош облусу, 1988-жыл.

11 / 15

Геннадий Базаровдун "Каныбек" фильми. Айдарбек датканын ролунда белгилүү актер Советбек Жумадылов.

13 / 15

"Отко таазим" тасмасында Муратбек Рыскулов ажынын образында

/

Медиабанкка өтүү

14 / 15

СССРдин эл артисти Бакен Кыдыкеева менен Кыргыз Республикасынын эл артисти Болот Бейшеналиев "Көздүн кареги" тасмасында, 1975-жыл. Режиссеру — Геннадий Базаров.

15 / 15

Режиссер Болот Шамшиев тарткан "Бөрү зындан" фильминде Мурат Мамбетов Композдун (Композитор) ролун аткарган