БИШКЕК, 14-ноя. — Sputnik. Жумгалда Көкөмерен суусунун жээгинен эркек кишинин сөөгү табылып, ал бир айдан бери изделип жаткан киши экенин ИИМден билдиришти.
Эскерте кетсек, малга кетип ошол боюнча дайынсыз болуп жаткан ата-бала 19-октябрдан тарта изделип жаткан. Маалыматта 45 жаштагы К.Б. аттуу жарандын сөөгүн табууга кинологдор тартылып, кызматтык иттер жардам бергени жазылган.
© Фото / пресс-служба МЧС КР
"Маркумдун тогуз жаштагы уулун издөө иштери улантылат. Ага укук коргоо органдарынын кызматкерлери, ыктыярчылар жана жергиликтүү тургундар тартылган. Бардык аракеттер көрүлүүдө", — деп айтылат маалыматта.
Кечээ ӨКМ ата-баланы активдүү издөө токтотулганын, бир жумада эки ирет жүргүзүлөрүн кабарлаган.