Операция өтө кыска мөөнөттө иштелип чыккан. Жуков менен Ватунинге даярдык үчүн бир жума убакыт берилген. Шаар кандайча бошотулганын Sputnik Ближнее зарубежье Telegram каналы айтып берди.
Калааны бошотуу аракети 1943-жылы 1-ноябрда башталган. Негизги чабуул түндүктөгү Вышгород шаарынан жасалган. Окту аяшкан эмес. Фронттун бир чакырым аралыгында 300дөн ашуун курал жайгашкан. Курал-жарактын мындай жыш колдонулушу Берлин үчүн кармашта гана катталган.
Үстөккө-босток урулган сокку немецтердин коргонуусун тез эле жарып өткөн. Фашисттер катуу каршылык көрсөткөн. Советтик жоокерлерди жайлатуу үчүн шаарга өрт коюп, бирок курчоодо калуу коркунучунан улам 5-ноябрда чегине башташкан.
Оккупациянын куну оор болду: согушка чейин Киевди 1 миллиондой киши байырласа, бошотулган күнү болгону 183 миң тургун калган.
Тема боюнча: