Тышкы саясий ведомствонун пайдубалы мындан 80 жыл мурда советтик Кыргызстанда түптөлгөн. Ошондон тарта өлкөнүн Тышкы иштер министрлиги акырындык менен дүйнөлүк геосаясатка кадам таштап, 1991-жылдан бери эгемен Кыргызстан өзүнүн тышкы саясатын жүргүзүүдө.
Бириккен Улуттар Уюмунун Азык-түлүк жана айыл чарба программасынын Афганстандагы өкүлү, кыргызстандык дипломат Сабырдин Турсунов жергиликтүү (оң жактан 1-катарда төртүнчү) тургундардын арасында. Кабул, 1964-жыл
Советтер Союзунун Малидеги (Батыш Африка) элчилигинин кызматкери Касымбай Намазбеков жубайы Эдиса Исаевна менен салтанаттуу кеченин конокторун тосуп алууда. Бамако шаары. 1982-жыл, 12-май
Советтер Союзунун толук жана ыйгарым укуктуу элчиси Кеңеш Кулматовдун Шри-Ланканын президенти Джуниус Ричард Джаявардене менен маектешип жаткан маалы. Коломбо, 1988-жыл
Кыргыз ССРинин Коммунисттик партиясынын катчысы Кеңеш Кулматов, Кыргыз ССРинин тышкы иштер министри Сакин Бегматова (оң жактан биринчи) Тажикстандан келген конокторду тосуп алууда. Фрунзе, 1976-жыл