БИШКЕК, 13-окт. — Sputnik. Бишкекте Горький көчөсүнүн Жукеев-Пудовкинден Юнусалиевге чейинки бөлүгү ачылып, айрым автобустардын маршруту өзгөрдү. Бул тууралуу мэриядан билдиришти.
Эми №102, 145, 175 автобус каттамдары бул тилке менен кайрадан жүрө баштамакчы.
Ошондой эле №48 автобустун каттамы да убактылуу өзгөрүп, акыркы аялдамасы Учкун конушуна чейин узартылды.
Белгилей кетсек, мэрия алты ири көчөдө, анын ичинде Горький көчөсүндө Айтматовдон 7-Апрель проспектине чейин оңдоп-түздөө иштери жүргүзүлүп жатканын кабарлаган.