БИШКЕК, 12-окт. — Sputnik. Боом капчыгайында 14-18-октябрда таш кулатылып, автоунаалардын жүрүшү чектелет. Бул тууралуу "Кыргыз темир жолу" ишканасы билдирди.
"Бишкек — Нарын — Торугарт жолунун 128-чакырымында күндүзгү саат 09:00дөн 15:00гө чейин таш кулатуу иштери жүрөт. Жолду тазалоо учурунда унаалар бир тилке менен каттайт. 30-40тан ашык автокөлүк топтолсо таш түшүрүү иштери убактылуу токтотулуп, автоунаалар өткөрүлөт", — деп жазылат маалыматта.
Мындай иштер сел жана таш кулоону алдын алуу максатында жүргүзүлүп жатканы кошумчаланды.