БИШКЕК, 9-окт. — Sputnik. Мэрия 10-октябрда Бишкектин айрым жерлеринде суу жок болорун эскертти. Бул күнү Батыш-2 суу алгычында жана шаардык суу түтүктөрүндө оңдоо иштери жүрөт.
Саат 10:00дөн 21:00гө чейин турак жайларда, мектептерде, бала бакчаларда, саламаттык сактоо мекемелеринде жана башка социалдык жана өндүрүштүк объектилерде ичүүчү суу токтотулары айтылды.
Чектөө төмөнкү даректерде болмокчу:
Ала-Арча суусу — темир жол — Жибек Жолу проспекти — Жаш Гвардия бульвары;
Жаш Гвардия бульвары — темир жол — Фрунзе көчөсү — Манас проспекти;
Дэн Сяопин проспекти — Ала-Арча суусу — Бөкөнбаев — Кулиев — Москва — Фучик — Казаков көчөлөрү.
Калаа мэриясы шаар тургундарынан ыңгайсыздык үчүн алдын ала кечирим сурап, суу камдап алууну эскертти.