БИШКЕК, 8-окт. — Sputnik. Баткен облусундагы Зардалы айылына жол салуу үчүн тендер жарыяланды. Тиешелүү жарыя Мамлекеттик сатып алуулар порталына жайгаштырылган.
Жаңы курулчу жолдун узундугу 4,2 чакырымды түзөт.
Компаниялар 22-октябрга чейин тапшырык берип, ал эми иштер бир жылдын ичинде аякташы керек.
Буга чейин президент Садыр Жапаров аталган айылга барып, калктуу конушка бара турган жолдун курулушу башталарын айткан.