БИШКЕК, 30-сен. — Sputnik. Израиль армиясы Газа тилкесиндеги мектепке сокку урганын, ал жерде ХАМАС кыймылынын командалык борбору жайгашкандыгын билдирди. Бул туурасында РИА Новости жазды.
"Жакында эле Израилдин Аскер-аба күчтөрү ХАМАС террорчуларына таамай чабуул жасады. Ал жерде кыймылдын Газа боюнча командачылык кылган борбору жайгашкан. Мурда Абу Жафар аль-Мансур атында болгон мектепти террорчулар Израиль мамлекетине жана Израиль армиясына каршы терактыларды жасоо үчүн пайдаланган", — деп айтылат алар тараткан билдирүүдө.
Дагы бир маалыматта Израиль армиясы Ливан багытында Бейруттун тегерек-четиндеги имараттарына биринчи ирет чабуул жасаганы https://ria.ru/20240930/beyrut-1975396408.html айтылган.
"Авиация аталган аймакта көпүрөнү аткылаганда ракета батирде жарылган. Көчөдөн өрттөнгөн өлүктөрдү көрүүгө болот" , — деп айтып берген РИА Новости агенттигине окуяга күбө болгон киши.
Ал арада Палестинаны куткаруу боюнча элдик фронтто кыймылдын үч лидери аткылоодон көз жумганын Батыш ЖМКлары https://ria.ru/20240930/palestina-1975402381.html жазганы боюнча кабар тарады. Al Jazeera телеканалы өлтүрүлгөндөрдүн экөө уюмдун жогорку жетекчилигинде тургандардан экенин айтты. Ал эми үчүнчүсү кыймылдын активисти болгон дешти.
Израилдин Куралдуу күчтөрүнүн авиациясы 23-сентябрда эртең менен Ливандын түштүк жана чыгышындагы кыштактарды жапырт аткылоого алды. Ондогон айылдар жабыркады. Ливандын шииттик "Хезболла" кыймылынын аскерлери Израилдин түндүгүн карай ондогон ракеталарды кое берди. Ливан өкмөтү буга чейин БУУдан чатакка кийлигишип, Израилдин агрессиясын токтотууну талап кылган.
Израиль менен Ливандын мамилесине байланышкан кырдаал Бейруттун ар кайсы райондорунда 17-18-сентябрда байланыш каражаттарынын массалык жарылуусунан кийин болгон эки тараптын атышуусунан улам курчуп кеткен.