БИШКЕК, 22-сен. — Sputnik. Министрлер кабинетинин төрагасы Акылбек Жапаров Бишкек шаарындагы ЖЭБге барды. Бул тууралуу өкмөттүн маалымат кызматынан билдиришти.
Ага ылайык, минкаб башчысы негизги өндүрүштүк цехтерди көрүп, жабдуулардын абалы менен таанышып, ЖЭБдин учурдагы абалы жана жылытуу мезгилине даярдыгы боюнча отчетторду укту.
Жапаров кышкы мезгилге сапаттуу даярдык көрүүнүн маанилүүлүгүн белгилеп, ошондой эле бардык тапшырмалардын аткарылышын катуу көзөмөлгө алуу зарылдыгына токтолду.
Жылуулук электр борборунун үзгүлтүксүз иштешин камсыз кылуу, энергияны үнөмдөө, ошондой эле жабдууларды модернизациялоо боюнча тиешелүү ведомстволорго бир катар тапшырмалар берилди.