БИШКЕК, 19-сен. — Sputnik. "Ынтымак ордодо" эки муундун министрлер кабинетинин — Акылбек Жапаров менен Апас Жумагуловдун жыйыны өтүүдө.
Министрлер кабинетинин маалымат кызматы тараткан сүрөттөн мурдагы өкмөт башчылар: Мухаммедкалый Абылгазиев, Өмүрбек Бабанов, Игорь Чудинов, Жоомарт Оторбаев, Амангелди Муралиев, Апас Жумагулов, Акылбек Жапаров, Турсунбек Чынгышев, Жантөрө Сатыбалдиев, Феликс Кулов, Темир Сариев, Кубанычбек Жумалиев, Кубатбек Бороновду көрүүгө болот.
Бүгүн Кыргыз Республикасынын Баатыры Апас Жумагуловдун 90 жылдыгы белгиленүүдө. Аны буга чейин президент Садыр Жапаров кабыл алган.
Апас Жумагулов 1993-1998-жылдары кыргыз өкмөтүн башкарган.
Бул өкмөт башчылардын биринчи жолугушуусу эмес. 14-сентябрда Акылбек Жапаровдун 60 жылдык юбилейинде тебетей жана чапан кийгизип, куттуктоо жазылган папкасын тапшырышкан.