БИШКЕК, 15-сен. — Sputnik. Кыргызстандык Валентина Шевченко UFC уюмунун чемпиондук курун кайтарып алды.
Ал бүгүн, 15-сентябрда, Лас-Вегаста (АКШ) өткөн беттешинде мексикалык атаандашы Алекса Грассону утту. Беттештин жүрүшүндө Шевченко үстөмдүк кылды. Төртүнчү раундда эки ирет муунтуу ыкмасынан чыгып кете алды.
Мушкер кыздар үчүнчү ирет октагонго чыгышты. Биринчи кармашта Грассо жеңишке жетип, чемпиондук титулду Шевченкодон тартып алган. Экинчисинде экөө тең чыгып, мексикалык спортчу чемпиондук титулун сактап калган эле.