Быйыл дем берүүчү гранттарга 1,5 миллиард бөлүнгөн. Жергиликтүү бийлик органдарынан долбоорлор сунушталып,бул жылкыга 439 долбоор жактырылган. Долбоордун тизмеси жергиликтүү бийлик тарабынан бекитилет. Ошондой эле алар тарабынан тогуз кишиден турган комиссия түзүлөт. Комиссия долбоордун приоритеттүүлүгүн аныктап, Финансы министрлигине каржылоого долбоордун санын жөнөтөт. Дем берүүчү (үлүштүк) гранттар — бул республикалык бюджеттен жергиликтүү бийликке кайтарымсыз берилүүчү каражат. Учурда 112 долбоор каржыланды.
Мурда бир долбоорго каржылануучу каражаттын суммасы 3 миллион болсо, быйыл 5 миллионду түзгөнүн Финансы министрлигинин социалдык чөйрөнүн чыгашаларын пландаштыруу башкармалыгынын башчысы Болотбек Касымов маалымдады.